Sjajne vijesti za crnogorsku odbojku – naše juniorku osvojile su bronzu na Balkanijadi u Beogradu.
U posljednjem kolu ekipa Marka Radusinovića pobijedila je Albaniju sa 3:1, po setovima 25:11, 25:10, 11:25, 25:11.
Na taj način naše djevojke ostavile su iza sebe upravo Albanke, te odbojkašice Sjeverne Makedonije, od kojih su bile bolje u petak.
Ovog puta u redovima crnogorske selekcije najefikasnija je bila Simona Petranović sa 15 poena, jedan manje osvojila je Majda Čakar, a dva manje u odnosu na Simonu kraj svog imena upisala je kapitenka Marija Šušić.
U ekipi Albanije nije bilo igračice sa dvocifrenim brojem poena, a devet je osvojila Ilva Naco.
