Danka Kovinić pobjedom je počela sezonu na šljaci – teškom, poslije velike borbe.
U prvom kolu turnira na Marbelji, iz ranga čelendžera, savladala je 36-godišnju Luksemburžanku Mendi Minelu sa 2:1 (6:7, 6:2, 7:5).
Danka se namučila protiv veteranke, 251. igračice na WTA listi.
Izgubila je prvi set, relativno lako izjednačila, a u trećem je dugo strahovala za prolaz.
Ključni brejk napravila je u 11. gemu, u narednom sačuvala servis i pobjedu.
Kovinić je prva nositeljka na turniru, a u narednom kolu igraće sa 19-godišnjom Ruskinjom Elinom Avanesjan, 173. na svijetu.
