Dijana Mugoša odigrala je fenomenalno u pobjedi Podravke nad Trogirom, 46:17, u meču osmog kola prvenstva Hrvatske.
Crnogorska reprezentativka postigla je devet golova i potvrdila da je u odličnoj formi.
„Lagana pobjeda. Na to smo se i spremali pa su u današnjoj utakmici dobili više prostora brzi igrači, posebno krila, a svoju su važnu ulogu imale i pivotmenke. Mislim da smo prilike dobro iskoristile, u prvom poluvremenu smo igrale dobru odbranu, a iako smo u drugom poluvremenu smanjili intenzitet bio je cilj da priliku dobiju i mlađe igračice koje su tu šansu i opravdale“, kazala je Dijana nakon utakmice.
Podravka ima maksimalan učinak u prvenstvu Hrvatske u kojem brani titulu.
Već u nedjelju sastav iz Koprivnice čeka gostovanje Borusiji u Dortmundu, u meču Lige šampiona.
