Još jedna laka i ubjedljiva pobjeda košarkašica Budućnost Bemaxa u WABA ligi.
Naše djevojke slavile su na parketu Zagreba 101:50 i zadržale maksimalan učinak nakon pet kola.
Od starta je ekipa Vladana Radovića dominirala, dobila prvu četvrtinu 27:11 i bilo je jasno da neće biti neizvjesnosti.
Do kraja utakmice u glavnom gradu Hrvatske Budućnost je samo uvećavala prednost i na kraju slavila ubjedljivo.
U našem timu 16 poena Anastasije Drobnjak, 15 je uz pet skokova i čak devet ukradenih lopti imala Zorana Radonjić, Dragana Živković dodala je 14 koševa i po pet skokova i asistencija, Ksenija Šćepanović ubacila je 13, a Jovana Marković 10 poena.
U sljedećem kolu WABA lige „vučice“ će 17. novembra dočekati Dugu.
