Vrijedna i važna pobjeda fudbalerki Fomgeta, treća u nizu u nastavku šampionata Turske – u derbiju 16. kola, tim naših Armise Kuč i Slađane Bulatović slavio je u gostima protiv Bešiktaša 2:0 u Istanbulu.
Fomget je ostao na dva boda zaostatka za liderom Fenerbahčeom.
U duelu sa četvrtoplasiranim Bešiktašem, i Misa i Slađa su bile u startnoj postavi, a Misa je upisala asistenciju za drugi gol, koji je postigla Nigerijka Abidin Suliat u 69. minutu.
Gol za vođstvo dala je Ukrajinka Olga Ovdičjuk.
Misa Kuč je sa 19 golova prvi strijelac lige.
Na treće mjesto ponovo je došao ALG Spor, naših Darije Đukić i Jelene Karličić. Tim iz Gaziantepa slavio je takođe u gostima u Istanbulu, protiv Vatih Vatana 2:0, golovima Demirdogan i Kaskonen.
Darija je kapitenka tima, a i ona i Jelena su bile u prvih 11.
ALG Spor ima pet bodova manje od Fomgeta, a sedam od Fenera.
