Crnogorske atletičarke ostvarile su odlične rezultate na prvenstvu Balkana u konkurenciji veteranki u Varaždinu.
Radmila Miladinović (kategorija „W45„) osvojila je četiri odličja – tri zlatne medalje (1.500, 2.000 metara stipl i 5.000 metara), a u utrci na 3.000 metara bila je srebrna.
Istakla se i Biljana Radunović (kategorija W50) vraća se iz Hrvatske sa tri medalje – slavila je u trci na 5.000 metara, na 100 metara je osvojila srebro, a na 3.000 metara bronzu.
Osim toga, nastupila je i u trci na 1.500 metara, a nastup je završila kao petoplasirana.
Radmila Čabarkapa (kategorija W60) okitila se zlatom i tri bronze – bila je prvoplasirana u trci na 1.500 metara, dok je treća mjesta osvojila disciplinama 100, 3.000 i 5.000 metara.
Biljana Đurović (kategorija W35) osvojila je srebro u bacanju kugle, dok je u trci na 400 metara bila sedma.
Margita Stijepović (kategorija W60) bila je srebrna u bacanju kugle, a Nada Petrušić (kategorija W50) bila je peta na 5.000 metara
![]()
