Mlade košarkašice Budućnosti pobijedile su u Beogradu Crvenu zvezdu 73:68, u četvrtom kolu WABA lige za igračice do 17 godina.
Uspjele su Podgoričanke da dobiju meč u kojem su njegovom većem dijelu imale minus.
Sredinom posljednje četvrtine Crvena zvezda imala je plus 10, ali je naša ekipa našla način da preokrene.
Blistala je Milena Vujović sa 34 poena i osam skokova, Nađa Dubljević ubacila je 14, a Valerija Nagornaja devet koševa.
Blanka Jovović imala je po sedam skokova i poena,a Marija Sekulović je ubacila četiri, uz osam uhvaćenih lopti.
Budućnost će danas od 12.20 igrati protiv Banovića.
