Engleska je ubjedljivom pobjedom 4:0 nad Švedskom izborila plasman u finale prvenvstva Evrope.
Domaća selekcija odigrala je odlično pred svojim navijačima u Šefildu i treći put igraće za krunu šampiona Starog kontinenta.
Otpor Švedske probila je Betani Mid u 34. minutu, što je bio uvod u dominaciju u nastavku utakmice.
Nakon kornera u 48. minutu, Lucija Bronz je glavom poentirala za 2:0 i praktično je tada sve bilo riješeno.
Do kraja su mrežu Švedske zatresle Alesija Ruso i Franćeska Kirbi.
U drugom polufinalu večeras od 21 sat igraće Njemača i Francuska.
Finale je u nedjelju u istom terminu.
