Evo kako su glasali kapitenka i selektor: Slađin prvi izbor eks-saigračica iz Japana, Marić „pogodio“ tri najbolje

Aitana Bonmati, fudbalerka Barselone i španske reprezentacije, dobila je sinoć nagradu The Best, koju FIFA dodjeljuje najboljoj igračici godine.

A anketi učestvuju kapitenke i selektori svih nacionalnih timova, svoje glasove dali su Slađana Bulatović i Mirko Marić.

Naša kapitenka je prvo mjesto dodijelila Japanki Hinati Mijazavi, fudbalerki Mančester junajteda, ali i svojoj bivšoj saigračici – Slađa i Hinata su prošle sezone igrale zajedno u Minavi Sendaiju.

Slađa je zatim prešla u turski Fomget, a Mijazava postala članica velikog engleskog kluba.

Bulatović je bodove dodijelila Lindi Kaisedo (Kolumbija, Real Madrid), a treće osvajačici nagrade Aitani Bonmati.

S druge strane, selektor Marić je “pogodio” tri najbolje – u njegovom izboru prva na listi je Aitana Bonmati, druga Linda Kaisedo, a treća Dženi Ermoso (Španija, Barselona/Tigres).