Noskova težim putem do titule na Vimbldonu: Ispustila pet meč lopti u drugom setu, pa poslije dva i po sata podigla pehar

Linda Noskova, 21-godišnja češka teniserka, osvojila je Vimbldon savladavši u prvom češkom finalu ikad osam godina stariju Karolinu Muhovu sa 2:1 (6-2, 5-7, 6-3). 

Dvoboj je trajao dva i po sata, a mogao je da bude mnogo kraći da je Noskova iskoristila vođstvo 6-2, 5-2 i pet meč lopti.

Muhova je dobila pet gemova zaredom i poravnala na 1-1 u setovima.

Noskova, 12. igračica svijeta, u trećem setu bila je puno smirenija i došla do svog prvog Grend slema naslova u svom prvom finalu. 

Noskova je najmlađa osvajačica Vimbldona od Petre Kvitove iz 2011. 

Ona je treća Čehinja koja je osvojila turnir u posljednje četiri godine – prije tri godine na Vimbldonu je slavila Marketa Vondrušova, a prije dvije godine Barbora Krejčikova.

Noskova će se u ponedjeljak popeti na najbolji plasman u karijeri, na 7. mjesto na WTA listi.