Vajpers će braniti titulu prvaka Evrope – Norveška ekipa pobijedila je u drugom polufinalu završnog turnira Lige šampiona Mec 33:27.
Meč u Budimpešti bio je izjednačen u prvom dijelu, nakon kojeg je francuski prvak imao gol prednosti, 15:14.
Međutim, nakon odmora Vajpers je odigrao mnogo bolje.
Nezaustavljiva je bila Marketa Jerabkova sa 12 golova, a važan doprinos dala je i Nora Merk sa sedam pogodaka.
Ogroman doprinos dala je na golu iskusna Katrin Lunde sa 16 uspješnih intervencija.
U ekipi Meca pet golova Almeide de Paule, dok su po četiri puta pogađale Horaček i Kanor.
Utakmicu je sudio naš par, Jelena Vujačić i Anđelina Kažanegra.
Sjutra će u finalu od 18 sati igrati Đer i Vajpers, dok će se za treće mjesto od 15.15 nadmetati Mec i Esbjerg.
