Koko Gof dolazi kao zvijezda na Rolan Garos.
Američka tinejdžerka je “projektovana” kao buduća teniska kraljica, a titula koju je osvojila u Parmi prošle sedmice i odlična igra koju je pokazala svrstavaju je čak i među favoritkinje iz sjenke.
Koko osjeća da je u formi.
„U veoma dobrom raspoloženju sam stigla na Rolan Garos. Nakon pobjede u Parmi, otišla sam u Nicu da treniram na akademiji Muratoglu nekoliko dana, kako bih izbjegla proces izolacije.
Prilično sam sigurna u sebe. Nakon turnira u Madridu bila sam sam se nervozna, jer sam bila fokusirana na plasman na WTA listi, jer želim da odem na Olimpijske igre.
Promijenila sam čip u glavi i rekla sebi da neću da se opterećujem – ako se dogodi, u redu, a ako ne – i to je u redu. Od tada igram puno slobodnije i mislim da to može da se vidi. Tako sam došla na turnir, živjeću u momentu i uživati u igrama. Trenutno se osjećam kao da kada nastupe momenti pritiska na meču više nisam napeta, samo uživam u pritisku, uživam u tim trenucima“, kazala je Gof.
