Selektor Mirko Marić nije bio nezadovoljan igrom i pored poraza od Estonije i vjeruje da će tim u budućnosti ići uzlaznom putanjom.
Naše djevojke su propustili nekoliko dobrih šansi i na kraju su poražene sa 2:1 u Baru.
Serija promašaja „crvenih“, autogol i nesrećan poraz od Estonije
„Moram da kažem da smo imali dvije dobre provjere sa Estonijom. Ukazali smo šansu brojnim djevojkama, kako bi vidjeli na koga možemo da računamo u narednom periodu. Iako smo izgubili, nisam nezadovoljan. Nažalost, nismo realizovali šanse. Ima još igračica koje nisu bile pozvane zbog povreda i drugih stvari. Nadam se da ćemo ići uzlaznom putanjom u predstojećem periodu“, rekao je selektor Marić.
Selekcija nije bila kompletna, a Marić se nada da će djevojke u sljedećoj godini prije svega biti zdrave.
„Nije bilo ni kapitenke Slađe Bulatović, Anđele Tošković, koju očekujemo sljedeće godine. Misa Kuč je takođe dugo bila van terena. Nadam se da ćemo svi biti zdravi i biti bolji nego danas, kada nismo iskoristili šanse, Estonija jeste svoje i ja im čestitam na pobjedi“, zaključio je Marić.
