Simona Halep čeka saslušanje i smatra da je nezasluženo suspendovana zbog pozitivnog doping testa.
Rumunska teniserka bila je pozitivna u avgustu prošle godine, a na 10 testova nakon toga, nalaz je bio negativan.
Tvrdi da se sporna supstanca našla u jednom od suplemenata, ali ITF to ne uvažava.
“Nisam ni znala šta je roksadustat, prije nisam čula za njega i otišla sam na internet da bih vidjela šta je. Zaista ne znam kako sam jer je emotivno teško i stres je ogroman, pošto nikad nisam mislila da ću se suočavati s nečim sličnim. Oduvijek sam bila protiv dopinga. U početku nisam znala kako da se izborim sa svime, ali vremenom sam samo pokušavala da ostanem mirna. Samouvjerena sam jer znam da sam čista i da nisam svjesno uzela ništa zabranjeno” kazala je nekada prva igračica svijeta.
Ističe da je još u decembru poslala dokaze ITF-u.
“Samo tražim da se donese presuda, ne tražim poseban tretman. Koliko će još dugo ovo da traje?”, pita se Simona Halep.
