Rukometašice Njemačke pobjedom su otvorile kvalifikacioni olimpijski turnir u Ulmu, na kojem nastupa i naša reprezentacija.
Domaća selekcija savladala je na startu Sloveniju 31:25.
Od polovine prvog dijela Njemačka je bila u vođstvu, koje je u nastavku najviše iznosilo šest golova razlike.
Izabranice Dragana Adžića nisu uspjele ni u jednom trenutku da u potpunosti uhvate priključak, a najbliže su bile kod rezultata 18:16 za domaću reprezentaciju.
U pobjedničkom timu devet pogodaka Julije Majdhof, šest je dala Ksenija Šmits.
Sa druge strane, Ana Gros je postigla 11 golova, dok je pet dodala Nataša Ljepoja.
Slovenija će u subotu igrati protiv Paragvaja, dok će Njemačka odmjeriti snage sa našom selekcijom istog dana od 14 sati.
Prethodno će večeras „lavice“ od 20.15 igrati protiv Paragvaja.
