Danka Kovinić najavila je da će igrati na jednom turniru prije Vimbldona.
Crnogorska teniserka pripremaće se za treći Grend slem u godini u Istbornu.
„Nova nedjelja, novi izazovi. Sljedeće nedjelje je turnir u Istbornu na travi, ukoliko dobijem vizu na vrijeme“, napisala je Danka na Tviteru uz osmijeh.
Danka je nedavno na Rolan Garosu izborila plasman u treće kolo, što je njen najbolji rezultat u Parizu.
Prethodno je i na Australian openu došla do treće runde, kada je pobijedila i šampionku sa posljednjeg US opena Emu Radukanu.
Vimbldon će se igrati od 27. juna na legendarnim travnatim terenima u Londonu.
