Francuska teniserka Aliz Korne uvjerena je da ogromna većina njenih kolega iz Rusije ne podržavaju, kako je naglasila „bolesnog Putina“.
Želi da se što prije završi rat u Ukrajini i ljudi vrate normalnim životima.
„Sve nas je pogodila ova priča. Dobijamo veijsti od ukrajinskih teniserki svakodnevno, pitamo ih kako su im porodice. Mislim da je 99 odsto ruskih tenisera i teniserki protiv rata i protiv bolesnog Putina“, rekla je Korne.
Ni ljudima iz ostalih država nije lako kada znaju šta se dešava u Ukrajini.
„Teško mi je na terenu, pod stresom sam zbog rata u Ukrajini, civili umiru svakog dana, ljudi bježe iz države u potpunoj panici, a ja živim normalan život, živim u raju tenisa i opet sam pod velikim stresom. Već dvije ili tri sedmice se mučim, imam dva stanja u glavi, svjesno i nesvjesno i u posljednje vrijeme ovo drugo pobjeđuje na terenu u mojoj glavi. Frustrirajuće je“, istakla je Aliz Korne.
